ខាត់ សុខគីម

សូមជម្រាបដែរថា Justin Bieber គឺជាតារាចម្រៀងទោលវ័យក្មេងម្នាក់ ដែលមានកេរ្តិ៍ឈ្មោះល្បីល្បាញខ្លាំង ទូទាំងពិភពលោក និងជាប់ឈ្មោះក្នងបញ្ជីតារាចម្រៀងលំដាប់សេដ្ឋី ដែលមានលុយរាប់លាន ចាយមិនអស់ផងដែរ។

ចូលមកដល់ក្នុងឆ្នាំ ២០២១ ទ្រព្យសម្បត្តិ Justin Bieber បានកើនឡើងដល់ ២៨៥លានដុល្លារសហរដ្ឋអាមេរិក ដោយចំណូលរបស់លោកគឺមានច្រើនច្រកផ្សេងៗគ្នា។

Justin Bieber អាចទទួលបានចំណូលប្រចាំឆ្នាំពី ៦០ លានដុល្លារសហរដ្ឋអាមេរិក ទៅ ៨០ លានដុល្លារសហរដ្ឋអាមេរិក ដោយទទួលបានពីដៃគូ ជាផលិតផលយីហោម៉ាកល្បីៗដូចជា៖ Proactiv, Adidas / Walmart / Beats by Dre, Balenciaga, Calvin Klein និងក្រៅពីនេះលោកក៏បានបង្កើតម៉ាកសម្លៀកបំពាក់ Drew House ដែលជាម៉ាករបស់ខ្លួនផងដែរ។

នៅក្នុងពេលនេះតម្លៃខ្លួន Justin Bieber គឺអាចនឹងឡើងដល់ ១ លានដុល្លារសហរដ្ឋអាមេរិក ក្នុងមួយយប់ ដោយកន្លងមកតារាប្រុសរូបនេះការប្រគុំតន្ត្រីផ្សេងៗ។ ដោយឡែក បើសិនជាមាននរណាម្នាក់ចង់ហៅ Justin Bieber ទៅច្រៀងកំដរនៅក្នុងកម្មវិធីមង្គលការ ខួបកំណើត ឬជប់លៀងណាមួយនោះ

តារាប្រុសរូបនេះ នឹងគិតថ្លៃចាប់ពី ៥០០០ ដុល្លារ ទៅ ១០០០០ ដុល្លារឯណោះ ក្នុងត្រឹមរយៈពេលតែ ១ ម៉ោងប៉ុណ្ណោះ។ បើចង់ម៉ៅដាច់មួយថ្ងៃពេញនោះ គឺមិនតិចជាងក្រោមសែនដុល្លារឡើយ៕