តួលេខស្រ្តីកើតជំងឺទឹកនោមផ្អែមពេលពពោះនៅអាស៊ីប្រហាក់ប្រហែលគ្នា មានប្រមាណជា ១០% នៃស្ត្រីពពោះទាំងអស់។ តាមការលើកឡើងរបស់លោកវេជ្ជបណ្ឌិតវេជ្ជបណ្ឌិត ស៊ុំ សត្ថា ឯកទេសជំងឺទឹកនោមផ្អែម ក្រពេញ និងអ័រម៉ូន-ភាតរៈសមាជិក American College of Endocrinology ប្រសិនបើស្រ្តីមានកត្តាប្រឈមទាំងប៉ុន្មានខាងក្រោមនេះ ត្រូវធ្វើតេស្តរកមើលជំងឺទឹកនោមផ្អែម។
– ធាត់លើសទម្ងន់
– មានប្រវត្តិគ្រួសារកើតទឹកនោមផ្អែម
– ធ្លាប់សម្រាលកូនថ្លោសពេក
– ស្ត្រីមានជាតិស្ករក្នុងទឹកនោម
ផ្ទុយទៅវិញ បើសិនជាស្រ្តីមិនមានកត្តាប្រឈមខាងលើនេះទេ លោកវេជ្ជបណ្ឌិតថា ត្រូវរង់ចាំដល់ត្រីមាសទី៣ ដើម្បីធ្វើតេស្ត OGGT ដែលតម្រូវឲ្យផឹកទឹកស្ករចំនួន ៧៥ក្រាម។
ក្នុងករណីលទ្ធផលតេស្តបញ្ជាក់ថា ស្រ្តីមានជំងឺទឹកនោមផ្អែមអំឡុងពពោះ គ្រូពេទ្យនឹងតម្រូវឲ្យព្យាបាលជាបន្ទាន់ បើមិនដូច្នេះទេនឹងផលវិបាកដល់កូន និងម្តាយខ្លួនឯង។
ផលប៉ះពាល់លើកូន
– កូនថ្លោសខ្លាំង
– កូនប្រឈមនឹងជាតិស្ករចុះទាបជ្រុល
– កើតមិនគ្រប់ខែ
– កូនអាចស្លាប់ក្នុងផ្ទៃ
ផលប៉ះពាល់លើម្តាយ
– មានជំងឺក្រឡាភ្លើង
– ពិបាកសម្រាលកូន។ល។
លោកវេជ្ជបណ្ឌិតបន្តថា ការព្យាបាលស្ត្រីកើតទឹកនោមផ្អែមអំឡុងពពោះ រាប់បញ្ចូលទាំងការផ្លាស់ប្តូរទម្លាប់នៃការរស់នៅ ការធ្វើរបបចំណីអាហារ ការហាត់ប្រាណឲ្យបានទៀងទាត់ជាងមុខ ជាដើម។ បន្ថែមពីនោះគ្រូពេទ្យនឹងពិគ្រោះជាមួយស្រ្តីពពោះ គួរប្រើថ្នាំ ឬអត់? ក្នុងនោះ ថ្នាំព្យាបាលជំងឺទឹកនោមផ្អែមអំឡុងពពោះដែលជាប់ចំណាត់ថ្នាក់ទី១ មានការទទួលស្គាល់ពិភពលោក គឺអាំងស៊ុយលីន ដែលមានសុវត្ថិភាពទាំងម្តាយទាំងកូន និងថ្នាំផ្សេងៗទៀត។
ប្រភព: Hello Krupet