ក្រសួងសម្រេចផ្អាកសាលារៀនរដ្ឋ និងឯកជន នៅទូទាំងប្រទេសជាបណ្ដោះអាសន្នសិន

ចក្តីជូនដំណឹង ស្តីពីការផ្អាកដំណើរការគ្រឹះស្ថានសិក្សាសាធារណៈ និងឯកជនគ្រប់កម្រិតជាបណ្ដោះអាសន្ន នៅទូទាំងប្រទេស

  ដើម្បីជាវិធានការបង្ការកុំឲ្យមានការចម្លងជំងឺកូវីដ-១៩ ចូលក្នុងសហគមន៍ទ្រង់ទ្រាយកាន់តែធំ ព្រមទាំងយោងតាមអនុសាសន៍ដ៏ខ្ពង់ខ្ពស់របស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ក្រសួងអប់រំ យុវជន និងកីឡា សម្រេចផ្អាកដំណើរការគ្រឹះស្ថានសិក្សាសាធារណៈ និងឯកជន គ្រប់កម្រិត នៅទូទាំងប្រទេស ចាប់ពីថ្ងៃជូនដំណឹងនេះតទៅ។ គ្រឹះស្ថាន សិក្សាទាំងអស់ត្រូវបន្តដំណើរការបង្រៀន ហ្នឹងរៀនតាមប្រព័ន្ធអេឡិចត្រូនិច។

  សេចក្តីដូចបានជម្រាបជូនខាងលើសូម មន្ទីរអប់រំ យុវជន និងកីឡារាជធានី ខេត្ត ត្រូវផ្សព្វផ្សាយឲ្យបានទូលំទូលាយគ្រប់ការិយាល័យអប់រំ យុវជន និងកីឡា នៃរដ្ឋបាលក្រុង ស្រុក ខណ្ឌ គណៈគ្រប់គ្រង គ្រឹះស្ថានសិក្សាគ្រប់កម្រិត បុគ្គលិកអប់រំ មាតាបិតា និងអ្នកអាណាព្យាបាលគ្រប់រូប ចូលរួមសហការអនុវត្ត ប្រកបដោយស្មារតីទទួលខុសត្រូវខ្ពស់៕ សូមអានសេចក្ដីជូនដំណឹងពេញលេញដូចខាងក្រោមនេះ ÷

ប្រភព: ក្រសួងអប់រំ យុវជន និង កីឡា