នៅថ្ងៃនេះ យេីងរកឃេីញករណីជំងឺកូវីដ-19 ថ្មី 7 នាក់ និងមានអ្នកជាសះស្បេីយ 7 នាក់ ។
រហូតដល់ម៉ោង 08:30 ព្រឹក ថ្ងៃទី 29 ខែ កក្កដា ឆ្នាំ 2020 យេីងរកឃេីញករណីជំងឺកូវីដ-19 ថ្មី 7 នាក់ ជាជនជាតិខ្មែរទាំងអស់ ( 4 នាក់បានធ្វេីតេស្តលេីកទី 3 ទទទួលបានលទ្ធផលវិជ្ជមាន )។
ពួកគាត់ជាកងទ័ពមួកខៀវ និងបានវិលត្រលប់មកពីប្រទេសម៉ាលី កាលពីថ្ងៃទី10 ខែកក្កដា ឆ្នាំ2020 និង3នាក់ទៀតបានធ្វេីតេស្តលេីកទី 2 ទទួលបានលទ្ធផលវិជ្ជមាន ពួកគាត់បានធ្វេីដំណេីរមកពីប្រទេសឥណ្ឌូនេស៊ីកាលពីថ្ងៃទី23 ខែកក្កដា ឆ្នាំ 2020 ដូច្នេះចំនួនសរុបអ្នកកេីតជម្ងឺកូវីដ-19 កេីនឡើង 233 នាក់ ជាសះស្បេីយ 7 នាក់ ចំនួនសំរាកព្យាបាលនៅក្នុងមន្ទីពេទ្យ 79 នាក់ អ្នកបានជាសះស្បេីយសរុបចំនួន 154 នាក់ និងមិនមានករណីអ្នកស្លាប់នោះទេ។ ជំងឺកូវីដ-19 នៅតែបន្តគម្រាមកំហែងយេីងជាប់ជានិច្ច សូមបងប្អូនបន្តប្រយ័ត្នជាប់ជានិច្ច ដោយអនុវត្តអនាម័យ នៅឃ្លាតឆ្ងាយពីគ្នា មិនចេញក្រៅផ្ទះបេីមិនចាំបាច់ ព្រោះប្រទេសជិតខាងយេីងនិងពិភពលោកកំពុងបន្តរាតត្បាតជំងឺកូវីដ-19 ដ៏ខ្លាំងក្លានៅឡេីយ។
យេីងត្រូវបន្តអនុវត្តគម្លាតសង្គមបន្តទៀត ដូចជាពន្យាការរៀបអាពាហ៌ពិពាហ៌ ពិធីជប់លៀង ការចាក់ធុងបាសរាំ។ល។
យេីងត្រូវបន្តគម្លាតបុគ្គលបន្តទៀត ដូចជាអង្គុយគម្លាតពីគ្នា ឈររងចាំគម្លាតពីគ្នា ឈរជជែកគ្នាគម្លាតពីគ្នា។ល។
យេីងត្រូវបន្តពាក់ម៉ាស់នៅពេលចាំបាច់ និងឧស្សាហ៍លាងដៃជាមួយសាប៊ូ អាល់កុល ឬជែល។
សូមបញ្ជាក់ថា ប្រទេសយេីងរកឃេីញករណីជំងឺកូវីដ-19 ដំបូងបំផុតនៅថ្ងៃទី 27 មករា ឆ្នាំ 2020។
យេីងបានធ្វេីតេស្តចំនួន 60029 ស្មេីនឹង 3616 ក្នុង 1 លាននាក់។
ដូច្នេះចូរយើងទាំងអស់ចូលរួមទប់ស្កាត់ការពារនិងបង្ការកុំអោយរីករាលដាលនៃជម្ងឺ COVID-19។
ពត៌មានបន្ថែមសូមទាក់ទងលេខ 115