នេះនែ៎! OPPO Reno7 ស្មាតហ្វូនស៊េរីថ្មី រូបរាងថ្មីរចនាបែបអ្នកជំនាញ ប្រកបដោយភាពច្នៃប្រឌិតខ្ពស់ ស័ក្កិសមបំផុតជាមួយមនុស្សសម័យថ្មី ចូលចិត្តភាពទាន់សម័យ និងស៊ីវិល័យ។ នេះបើយោងតាមព័ត៌មានខ្លះៗ ដែលបានបញ្ចេញលើផេកហ្វ៊េសប៊ុកផ្លូវការ របស់ក្រុមហ៊ុន OPPO កាលពីថ្មីៗនេះ។
ចុះអ្នកទាំងអស់គ្នាយល់យ៉ាងណាដែរ ចំពោះរូបរាងថ្មីគែមជ្រុងលើ OPPO Reno7? ជឿជាក់ថា OPPO មិនធ្វើឲ្យអ្នកប្រើប្រាស់ ខកបំណងឡើយ បន្ទាប់ពីផ្លាស់ប្តូររាងថ្មី ស្ថិតក្នុងក្តីស្រមៃរបស់អ្នកប្រើប្រាស់ ព្រមទាំងរចនាបថបែបប្រណិត ប្រកបដោយភាពច្នៃប្រឌិតគែមជ្រុងរលោង 2.5D កម្រាស់ស្តើងជាងមុន កាលីបជាងមុន និងនាំមកជាមួយនឹងជម្រើស 2 ពណ៌គឺ ពណ៌ទឹកក្រូចផលិតចេញពីស្បែកគុណភាពខ្ពស់ រីឯពណ៌ខ្មៅរចនាបែបកញ្ចក់ និងលោហៈធាតុស្ទីលរចនាបែប Reno Glow។
លើសពីនេះ OPPO Reno7 មិនត្រឹមមានរាងស្រឡូនប៉ុណ្ណោះទេ បើក្រឡេកទៅមើលផ្នែកខាងក្រោយ លើបណ្តុំកាមេរ៉ាវិញ វាបានបំពាក់មកនូវ កងបំភ្លឺដំណឹងដោយបញ្ចេញពន្លឺភ្លើងយឺតៗ វិលជុំវិញកញ្ចក់កាមេរ៉ា នៅពេលលោកអ្នកចាប់ផ្តើមលេងហ្គេម, ការខលចូល, មានសារដំណឹង ឬ Notification និងពេលសាកថ្ម ដែលនេះជាអារម្មណ៍ថ្មីម្យ៉ាងទៀតលើ Reno7 ខុសពី Reno Series ជំនាន់មុនៗ។
អាចនិយាយបានថា នេះគ្រាន់តែជាចំណុចរសើបខ្លះៗមាននៅលើ OPPO Reno7 Series តែប៉ុណ្ណោះ ដូចនេះអ្នកទាំងអស់គ្នាចាំអ៊ុតមើលបន្តថា តើកូនពៅស៊េរីទំនើបរូបរាងថ្មី ប្រណិតស្រស់ឆើតឆាយរូបនេះ នឹងបង្ហាញខ្លួនដាក់លក់ លើទីផ្សារប្រទេសកម្ពុជា នៅពេលណាដែរ? ដើម្បីជ្រាបកាន់តែច្បាស់ សូមចូលទៅកាន់ហ្វេសប៊ុកផ្លូវការរបស់ OPPO ដើម្បីទទួលបានព័ត៌មានលម្អិតៗ រួមជាមួយនឹងសមត្ថភាពពិសេសថ្មីៗជាច្រើនទៀត។
ប្រភព÷ Cambo Report