រថយន្ត​មួយគ្រឿង​នៅ​ឥណ្ឌូណេស៊ី ចតចោល​នៅព្រលានយន្តហោះ​ជាង១ឆ្នាំ កំពុង​កើនបំណុល​ខ្ទង់ពាន់ដុល្លារ

ឥណ្ឌូណេស៊ី៖ រថយន្តម៉ាក HR-V មួយគ្រឿង បានចតចោលនៅព្រលានយន្តហោះប្រទេសឥណ្ឌូណេស៊ីរយៈពេលជាង១ឆ្នាំមកហើយគិតតាំងពីខែវិច្ឆិកា ឆ្នាំ ២០២០ មកម្ល៉េះ ពេលនេះរថយន្តមួយគ្រឿងនេះពោរពេញដោយធូលី និងហ៊ុមព័ទ្ធដោយសម្បុកពីងពាងពាសពេញ។

បើយោងតាមមន្ត្រីចរាចរណ៍ Kombes Prianto បានឱ្យដឹងថា ពេលនេះក្រុមរបស់លោក កំពុងឆែកមើលស្លាកលេខដើម្បីស្រាវជ្រាវរកអាសយដ្ឋានម្ចាស់រថយន្តឱ្យទៅទទួលរថយន្តត្រលប់ទៅវិញ។ តាមការឱ្យដឹងបន្ថែម រថយន្តនេះក៏កំពុងជាប់បំណុលថ្លៃផ្ញើរយៈពេលជាងមួយឆ្នាំនេះ គឺមិនក្រោម ៣ ពាន់ដុល្លារឡើយ ប្រសិនរកឃើញម្ចាស់រថយន្តហើយ នោះពួកគេ ក៏ត្រូវទូទាត់ថ្លៃផ្ញើនេះទៅឱ្យខាងព្រលានយន្តហោះផងដែរ៕

ប្រភព÷ Plus-Kh News