លទ្ធផលចេញហើយ! លោកត្រាំ និងភរិយារកឃើញវិជ្ជមានកូវីដ ១៩

ទីបំផុតលទ្ធផលបានប្រកាសផ្លូវការមុននេះបន្តិច គឺលោកប្រធានាធិបតី ដូណាល់ ត្រាំ និងភរិយាលោកគឺនាង Malania Trump ត្រូវបានរកឃើញថាមានវិជ្ជមានកូវីដ-១៩ ហើយ ។ នេះបើយោងតាមប្រភព CNN ។ លោក ត្រាំ បានសរសេរខ្លីនៅមុនម៉ោង ១ ព្រឹកថ្ងៃសុក្រនេះថា «យប់នេះ @FLOTUS និងខ្ញុំបានធ្វើតេស្ត៍វិជ្ជមានសម្រាប់ COVID -19 ។យើងនឹងចាប់ផ្តើមដំណើរការដាច់ដោយឡែក និងការស្តារឡើងវិញរបស់យើងភ្លាមៗ។ យើងនឹងឆ្លងកាត់ TOGETHER នេះ! » ។ គួររំលឹកថា លោក ត្រាំ និងភរិយាធ្វើតេស្តរកូវីដ-១៩ ក្រោយជំនួយការម្នាក់បានឆ្លងសូមបញ្ជាក់ថាការរកឃើញ លោក ត្រាំ និងជំទាវទី ១ អាមេរិករកឃើញកើតកូវីដ-១៩ គឺមួយថ្ងៃក្រោយ ទីប្រឹក្សាដែលជិះយន្តហោះជាមួយលោក ដូណាល់ ត្រាំ « ធ្វើតេស្តវិជ្ជមានកូវីដ -១៩» ។ ទីប្រឹក្សាជាន់ខ្ពស់មួយរូបរបស់លោកប្រធានាធិបតីអាមេរិក ដូណាល់ ត្រាំ គឺលោកស្រី ហូបហីកស៍ ( Hope Hicks ) ត្រូវបានធ្វើតេស្ដវិជ្ជមាន COVID-19 បន្ទាប់ពីបានរួមដំណើរជាមួយ លោកត្រាំនៅលើយន្ដហោះពិសេស Air Force One ។

នេះបើតាមការចេញផ្សាយដោយទីភ្នាក់ងារព័ត៌មាន Reuters នៅព្រឹកថ្ងៃសុក្រទី ០២ ខែតុលា ឆ្នាំ ២០២០ ។លោកស្រី Hicks បានរួមដំណើរជាច្រើនលើកជាមួយលោកត្រាំកាលពីពេលថ្មីៗនេះក្នុងនោះរួមមានទាំងវេទិកាតស៊ូមតិក្នុងទីក្រុង ក្លេវ លែនដ៍ ( Cleve land ) កាលពីថ្ងៃអង្គារ និងបានអមដំណើរ លោក ប្រធានាធិបតីអាមេរិករូបនេះទៅចូលរួមក្នុងយុទ្ធនាការ ឃោសនាបោះឆ្នោតកាលពីថ្ងៃពុធកន្លងទៅនៅឯរដ្ឋមីននីសូតា ( Minnesota ) ផងដែរ ។ មកទល់នឹងពេលនេះមិនទាន់មានព័ត៌មានលម្អិតថាតើលោកស្រី Hicks មានរោគសញ្ញាធ្ងន់ឬក៏ស្រាលនៅឡើយទេ ។

គួរបញ្ជាក់តាមក្នុងសេចក្ដីថ្លែងការណ៍គួរបញ្ជាក់តាមក្នុងសេចក្ដីថ្លែងការណ៍របស់សេតវិមានថាលោកត្រាំបានថែទាំសុខភាព និងការពារខ្លួនលោកជានិច្ចហើយក្រុមមន្ត្រីរបស់លោកតែងតែបានអនុវត្តតាមការណែនាំយ៉ាងខ្ជាប់ខ្ជួនដើម្បីទប់ស្កាត់ការឆ្លងរាតត្បាត COVID-19 ។ ក៏ប៉ុន្តែជារឿយៗលោកត្រាំ និងក្រុមមន្ត្រីរបស់លោកត្រូវបានគេសង្កេតឃើញថាមិនបានពាក់ម៉ាសឡើយ នៅពេលចូលរួមក្នុងយុទ្ធនាការឃោសនាបោះឆ្នោត៕

ប្រភព : Khmer Make