អ្នកប្រើ iPhone មួយចំនួនតែងតែរអ៊ូថា ថាមពលថ្មរបស់ iPhone ប្រើមិនបានយូរដូចទូរសព្ទផ្សេងៗទៀត។ ឆ្លើយតបនឹងបញ្ហានេះដែរ Apple ផ្ទាល់ក៏បានបង្ហោះវិធីថែទាំថ្ម iPhone នៅលើវិបសាយផ្លូវការខ្លួនផ្ទាល់គឺ apple.com បង្ហាញតិចនិកសន្សំថ្ម iPhone ឲ្យបានយូរ និងមិនឆាប់ខូច។
ហើយតិចនិកទាំងអស់នោះមាន ៩ចំណុចដូចបានរៀបរាប់ខាងក្រោមនេះ ÷
១. Update ទៅប្រព័ន្ធប្រតិបត្តិការ iOS ជំនជំនាន់ចុងក្រោយបង្អស់
២. ជៀសវាងដាក់ iPhone នៅកន្លែងក្ដៅដែលមានសីតុណ្ហភាពលើសពី ៣៥ អង្សារសេ
៣. ដោះស្រោម ( Case ) ក្រាស់ៗចេញ រាល់ពេលសាកថ្ម កុំឲ្យក្ដៅខ្លាំង
៤. បើក ( Enable ) មុខងារ Low Power Mode ( Settings > Battery > Low Power Mode )
៥. គួរប្រើ Wi-Fi បើសិនជាមាន ជាជាង 3G តាមស៊ីម ព្រោះវាស៊ីថ្មលឿន និងក្ដៅ
៦. បិទ Background App Refresh ( Settings > General > Background App Refresh )
៧. បិទ Location Services ( Settings > Privacy > Location Services )
៨. បិទទូរសព្ទ ពេលនៅតំបន់គ្មានសេវា ឬសេវាតិចមែនទែន
៩. បើសាកទូរសព្ទតាមកុំព្យូទ័រ ត្រូវឲ្យកុំព្យូទ័រនៅដំណើរការ ឬដោតសាកថ្ម។ បើកុំព្យូទ័រ Sleep ឬ Standby mode ថ្មទូរសព្ទនឹងត្រូវបឺតទៅវិញ ( ថយថាមពលថ្ម )៕
ប្រភព៖ Sabay News